«Verd s-chür» es ün god spess da pleds: Rut Plouda cun nouva prosa cuorta / In Rut Ploudas dichtem Wörterwald: «Verd s-chür» mit neuer Kurzprosa

«quista said dal pled, da la charn, i’s sta davant las rösas dad aua albas e rösas cul verd s-chür da lur föglias, i s’algorda, verd s-chür, i’s savura il müs-chel, ils pleds as palpan inavant, adüna plü inavant sur ils pons loms, mütschan da sumbriva a sulai a sumbriva...»

Il pled es ferm e provochant. El «as palpa inavant» e voul gnir miss da la vusch narrativa al dret lö. Quista passascha our da «Pleds» chi’s legia i’l nouv cudesch cun prosa cuorta da Rut Plouda presüma l’effet reciproc: Il pled douvra la vusch narrativa e quella as lascha fascinar e nu po oter co da tils «metter ün davant tschel, pè davant pè e pass per pass...». La vusch chi discuorra e scriva - ün «i’s» chi rapreschainta üna blerüra da scripturas e scriptuors – languescha dal pled.

L’autura engiadinaisa chi abita a Ftan preschainta cun Verd s-chür ün cudesch da prosa cuorta fin e spess. Sün var 100 paginas as radunan 52 texts, tanter quels eir divers ciclus sco p.ex. «Jelg, disch l’uffant»; «Blau, disch l’uffant»; «Verd, disch l’uffant», «Sgiaglià». Per part d’eirna fingià gnüts publichats in differentas antologias o periodics, sco «Da giallinas e turpchentschas» in Viceversa 12, e sun gnüts reelavurats per quist’ediziun. Tscherts texts ha scrit l’autura per ün’emischiun radiofonica ed oters da nouv.

Rut Plouda ha publichà dal 2000 seis raquint il plü cuntschaint Sco scha nüglia nu füss (Octopus) chi’d es gnü dotà cul Premi Schiller. I sun seguidas traducziuns in tudais-ch, Wie wenn nichts wäre (Octopus, 2001), in frances Comme si de rien n’était (En Bas, 2003), in rumen e ladin. Sias prümas duos ouvras liricas sun sortidas dal 1984, La bos-cha tuorna a flurir e dal 1986, Föglias aint il vent. L’on 2018 es cumparü Turlas al mar (Les Troglodytes).

Sco cha’l titel annunzcha, fuorman las culuors il punct da partenza per üna spassegiada da piz a chantun chi vain manada da l’autura in möd fich conscienzius. Sco lectur'a as vaja stortigliond dal gelg dal gran a las crisantemas gelguas sül vaschè, da las fluors chadaina omnipreschaintas al paquet da Mary Long. Ils spüfs d’ün purtret poetic a l’oter as faja sainza pais. Dal blau dal tschêl a quel dal lai fin pro las enzianas e la blue jeans per chüls tais e plats, dals üschous blaus a la temma da stuvair svolar oura aint il blau. In quista ligerezza poetica s’intretschan il dubi e la temma tanter las lingias. Il tour cumgià lascha l’autura entrar tuot natüral in evenimaints dal minchadi, güst sco fingià in Sco scha nüglia nu füss. El vain descrit «en passant» in möd fin e discret.

Opür chi sun ils singuls pleds, lur cling e la relaziun tanter «la crousla» e’l «dadaint» chi fuorman il punct da partenza per ün cuort sguard da la raquintadra sül ‚material’ dal vallader: «Per exaimpel pleds cun b, b sco baderlada, sco bumbardun, birikin, buatscha, balaister – o forsa banc» e fingià rupett’la davent fond allusiuns da qua e da là, las lecturas e’ls lectuors tilla seguan pass per pass.
Id es sco scha Plouda driviss la chaista dal s-chazzi, plaina da pleds e frasas in vallader. Ella tils lascha passar tras seis mans, per finalmaing piclar landroura ün unic ch’ella tegna tanter polsch e daint muossader til contemplond da differentas varts. Mincha pled ün marenghin.

Ils texts in Verd s-chür cuntegnan differentas perspectivas da narraziun, güst uschè sco cha la taimpra as müda da text a text. Da vulair chattar correspundenzas tematicas tanter ün text e’l prossem nun es necessari. Neir lur successiun nun es impegnativa – mincha text po gnir let dapersai. Tscherts temas e motivs tuornan però, p.ex. il tour cumgià, la mort, il mar, l’En e’ls mariners.

Ils pleds, lur cling e lur ritem, culan liger illa lingua da Rut Plouda. Il flüm es ün pled ed ils pleds sun auas chi sbuorflan e culan. Il gö poetic tanter sun e significaziun unischa uschè las auas dal muond:

– e coura es darcheu l’ascher e davant mai meis laptop ed eu scriv:
J a n g t s e k i a n g, H w a n g h o, O k a w a n g o,
M i s s i s s i p p i,
N e w a, D o n, E n, T a s n a n, V a l l a t s c h a,
C l e m g i a, S u s a s c a,
R a b i u s a, C h a m u e r a, M u r a n z i n a... 

e bod sun ils flüms pleds e bod suna auas chi culan...

Adonta cha'ls texts da Plouda as laschan localisar evidaintamaing illa regiun muntagnarda – il dachasa da l’autura – sun sias observaziuns da l’ir e’l gnir quotidian chi tilla circundeschan, valablas in che lö chi saja. La lingua da Plouda es universala. Üna simplicità loma dà ün tschert pais a sia lingua, ma na quel patetic o patriotic.
Cha Rut Plouda es fermamaing colliada, influenzada e fascinada da la litteratura populara as bada, sch’ella intessa e transmüda in sia prosa versins d’uffants, il Pitschen Prinzi, la Chapütschina cotschna, Naivitta e’ls set nanins, Traideschin e Rösaspina. In Chapütschina cotschna II sun las figüras da la tarabla in imbarraz, perquai cha’l luf fa «blau» e nu’s muossa simplamaing na.

Las algordanzas giouvan sco fingià in Sco scha nüglia nu füss üna rolla centrala eir i’ls texts da quista racolta. Illa seria Inscunters s’algorda ün «eu» our da la perspectiva da matta da la visita pro’ls homens chi giouvan a chejels intant cha l’uffant as lascha portar dalöntsch davent oura sül mar pro’ls mariners. Las cullas dals chejels roudlan cun canera sur las fantasias blauas da la matta e tilla stiran darcheu inavo in sala. Inavo resta la brama da pajais lontans.
Nus surgnin eir invista i’l muond d’üna giuvna chi’d es pronta da conquistar il muond in seis deux-pièces cotschen. Ma oter co in Sco scha nüglia nu füss tendscha l’«eu» da quistas lingias inavo ill’infanzia e giuventüna da l’autura e dà ün purtret plü cumplet d’ün’existenza fragila, fina ed artistica. Eir in quist cudesch es Plouda buna d’exprimer l’essenzial sainza «gronds pleds», mabain culs drets pleds. Seis purtret da l’essenzial nu negligescha neir la frustraziun («La chapütscha») o il dubi da na bastair e da sguerschiar adüna pro’ls oters («La prouva»).

Verd s-chür es ün god spess plain müs-chel ingio cha’ls razs dal sulai straglüschan ed invidan a savurar, palpar ed insajar ils pleds – uschè nudrischa il cudesch daplü co’l sdun plain schoppa da custabs chi’s vezza sülla cuverta. L’autura atschegna al müs-chel – ed i’s vezza ün god inter.

In Rut Ploudas dichtem Wörterwald: «Verd s-chür» mit neuer Kurzprosa

quista said dal pled, da la charn, i’s sta davant las rösas dad aua albas e rösas cul verd s-chür da lur föglias, i s’algorda, verd s-chür, i’s savura il müs-chel, ils pleds as palpan inavant, adüna plü inavant sur ils pons loms, mütschan da sumbriva a sulai a sumbriva...

Dieses Verlangen nach dem Wort, dem Fleisch, man steht vor den weissen und rosafarbenen Wasserrosen mit dem Dunkelgrün der Blätter, man erinnert sich, dunkelgrün, man riecht das Moos, die Wörter tasten sich vorwärts, immer weiter auf dem weichen Teppich, fliehen vom Schatten in die Sonne in den Schatten... (1)

Das Wort ist willensstark und eifrig. Es «tastet sich vorwärts» und will von der Erzählstimme an den richtigen Ort gesetzt werden. Diese Passage aus «Pleds» im neuen Buch mit Kurzprosa von Rut Plouda lässt eine Wechselwirkung vermuten: Das Wort braucht die Dichterin und diese lässt sich wiederum vom Wort einnehmen und setzt es «eins vor das andere, Fuss vor Fuss, Schritt für Schritt …» Wer spricht und schreibt – ein «man», stellvertretend für unzählige Schriftstellerinnen und Schriftsteller – lechzt nach dem Wort.

Die Engadiner Autorin aus Ftan stellt mit Verd s-chür ein feines, dichtes Kurzprosa-Buch vor. Auf etwa 100 Seiten vereinen sich 52 Texte, darunter auch einige Zyklen wie z.B. «Jelg, disch l’uffant»; «Blau, disch l’uffant»; «Verd, disch l’uffant», «Sgiaglià». Teilweise wurden sie bereits in verschiedenen Anthologien oder Jahrbüchern publiziert, wie «Da giallinas e turpchentschas» in Viceversa 12, und für diese Ausgabe überarbeitet. Einige Texte schrieb die Autorin für eine Radiosendung und andere ganz neu.

Rut Plouda veröffentlichte 2000 ihre bekannteste Erzählung Sco scha nüglia nu füss (Octopus), die mit dem Schillerpreis ausgezeichnet wurde. Es folgten Übersetzungen ins Deutsche, Wie wenn nichts wäre (Octopus, 2001), ins Französische Comme si de rien n’était (En Bas, 2003), ins Rumänische und Ladinische. Ihre ersten lyrischen Werke erschienen 1984, La bos-cha tuorna a flurir und 1986, Föglias aint il vent. 2018 erschien Turlas al mar (Les Troglodytes).

Wie im Titel angekündigt, bilden die Farben in Verd s-chür (dunkelgrün) den Ausgangspunkt für einen Ausflug unter der kundigen Leitung der Autorin. Sie führt ihre Leserschaft vom Gelb des Korns zu den gelben Chrysanthemen auf dem Grab, vom allgegenwärtigen Löwenzahn zur Zigarettenschachtel Mary Long. Die Sprünge von einem poetischen Bild zum nächsten geschehen schwerelos. Vom Blau des Himmels zum Blau des Wassers bis hin zu den Enzianen und den Blue Jeans für pralle und platte Hintern, von den blauen Fensterläden hin zur Angst, ins Blaue fliegen zu müssen. In dieser poetisch-agilen Leichtigkeit weben sich Zweifel und Angst zwischen die Zeilen. Das Thema des Abschiednehmens lässt die Autorin ganz natürlich in alltägliche Begebenheiten einfliessen, so wie bereits in Sco scha nüglia nu füss. Es wird feinfühlig, diskret und «en passant» beschrieben.

Ein weiterer Ausgangspunkt für die Kurztexte sind einzelne Wörter, ihr Klang und der Zusammenhang zwischen der «Schale» und ihrem «Inhalt», welche die Erzählerin dazu bewegen, einen kurzen Blick auf das ‘Material’ der Sprache zu werfen: «Per exaimpel pleds cun b, b sco baderlada, sco bumbardun, birikin, buatscha, balaister – o forsa banc» und schon flitzt sie davon. Die Leser*innen folgen ihr auf Schritt und Tritt.
Es ist, als ob Plouda die Vallader-Schatzkiste öffnen würde, voller Wörter und Sätze. Sie lässt diese zuerst durch ihre Hände gleiten, um dann gezielt ein Einzelnes herauszupicken. Dieses hält sie zwischen Daumen und Zeigefinger und betrachtet es von allen Seiten. Jedes Wort ein Goldstück.

Verd S-chür setzt sich aus verschiedenen Erzählperspektiven und Stimmungen zusammen. Thematische Zusammenhänge von einem Text zum nächsten drängen sich nicht auf. Auch die Reihenfolge der Texte ist nicht zwingend, jeder Text kann auch für sich alleine gelesen werden. Einige Themen und Motive tauchen immer wieder auf, so der Tod, das Abschiednehmen, das Meer, der Inn oder die Matrosen.

Rut Plouda lässt die Worte mit ihrem Klang und ihrem Rhythmus fliessen. Der Fluss ist ein Wort und die Wörter sind Gewässer, die sprudeln und rauschen. Das poetische Wortspiel zwischen Klang und Bedeutung vereint so die Weltgewässer:

– e coura es darcheu l’ascher e davant mai meis laptop ed eu scriv:
J a n g t s e k i a n g, H w a n g h o, O k a w a n g o,
M i s s i s s i p p i,
N e w a, D o n, E n, T a s n a n, V a l l a t s c h a,
C l e m g i a, S u s a s c a,
R a b i u s a, C h a m u e r a, M u r a n z i n a... 

e bod sun ils flüms pleds e bod suna auas chi culan...

Und draussen ist wieder der Ahorn und vor mir mein Laptop und ich schreibe:
J a n g t s e k i a n g, H w a n g h o, O k a w a n g o,
M i s s i s s i p p i,
N e w a, D o n, I n n, T a s n a n, V a l l a t s c h a,
C l e m g i a, S u s a s c a,
R a b i u s a, C h a m u e r a, M u r a n z i n a... 

Und bald sind die Flüsse Wörter, bald sind sie fliessende Wasser… (1)


Obschon sich Ploudas Texte offenkundig in der alpinen Region verorten lassen, finden die aus ihrem Alltag gegriffenen Beobachtungen überall ihre Gültigkeit. Plouda schreibt eine universelle Sprache. Die geschmeidige Einfachheit verleiht ihrer Sprache ein – allerdings nie pathetisches oder patriotisches – Gewicht.
Rut Plouda ist eng mit der Volksliteratur verbunden, was sich auch daran zeigt, dass sie liebevoll Kinderreime oder den Kleinen Prinzen, das Rotkäppchen, Schneewittchen, Traideschin oder Dornröschen in ihre Erzählung flicht und dabei verwandelt. In «Chapütschina cotschna II» sind die Märchenfiguren wie vor den Kopf gestossen, weil der Wolf «blau macht» und sich einfach nicht zeigt.

Die Erinnerungen spielen auch in dieser Textsammlung wie bereits in Sco scha nüglia nu füss eine zentrale Rolle. In der Serie «Inscunters» erinnert sich ein «ich» aus der Mädchenperspektive an einen Ausflug mit der Mutter zu den «Männern, die Kegel spielen». Das Mädchen lässt sich beim Beobachten des Spiels von ihrer Vorstellung weit aufs Meer hinaustragen zu den Matrosen. Die lauten Kegelkugeln überrollen dabei die blauen Fantasien des Mädchens und reissen es wieder in den Saal. Zurück bleibt das Fernweh.
Wir haben auch Einsicht in die Welt einer jungen Frau, die bereit ist, in ihrem roten Deux-Pièces die Welt zu erobern. Anders als in Sco scha nüglia nu füss reicht dieses «ich» weiter zurück in die Kindheit und Jugend der Autorin und ermöglicht ein ganzheitlicheres Bild einer fragilen, feinsinnigen und künstlerischen Existenz. Auch in diesem Buch schafft es Rut Plouda, das Nötigste ohne «grosse Worte» auszudrücken, dafür mit den richtigen. Ihre Darstellung des Wesentlichen drückt sich weder um die Frustration («La chapütscha») noch um den Zweifel, die Sorge, nicht zu genügen, die ständig zu den anderen schielen lässt («La prouva»).

Verd s-chür ist ein dichter Wald voller Moos, in dem uns die leuchtenden Sonnenstrahlen einladen, die Worte zu riechen, abzutasten und zu schmecken – so nährt das Buch mehr als der auf dem Cover abgebildete Löffel voller Buchstabensuppe. Die Autorin deutet auf das Moos hin – und wir sehen den ganzen Wald.

(1) Arbeitsübersetzung der Redaktion